القائمة الرئيسية

الصفحات

طريق عمل كيك اوص قنبلة كيك الشيكولاتة -وصفات

كيك أوص او قنبلة كيك الشيكولاتة 



اولاً مقادير الكيكة

- 2 كوب دقيق

- 1 كوب سكر

- 1 كوب لبن

- نصف كوب كاكاو

- نصف كوب زيت

- 1 كيس ىبيكنج بودر

- 3 بيضات

- رشة ملح

- فانيليا

- معلقة كبيرة خل


ثانياً طريقة طبخ الكيكة :

- نوفر خلاط او مضرب الكهرباء

- نخلط السكر والبيض والفانيليا

-نضيف اللبن 

- نضيف الزيت ومعلقة الخل

- ثم نضيف نصف كوب الكاكاو

- نضرب الخليط جيدا حتي يتجانس 

-نحضر بولة غويطة ونضيف البيكنج بودر والملح للدقيق( المنخول ) ونقلبهم كويس

- نضع الخليط الموجود في الخلاط على الدقيق ونقلبهم فى اتجاه واحد بالمضرب حتى يتجانس ويختفى الدقيق تماما،

-نضع أقل من ربع كوب ماء على الخليط حتى يتجانس الخليط.

ثالثاً تسوية الكيك وتجهيزها

-نحضر حلة مقاس(٢٢) أو صينية مقاس (٢٤) ونبطنها بالزبدة والدقيق ونتخلص من أى دقيق زيادة


- نسخن الفرن على درجة حرارة 150°

-ندخل الصينية على الشبكة فى منتصف الفرن

- (ملحوظة:- ممنوع فتح الفرن قبل مرور (٣٠)دقيقة وتظهر ريحة الكيك)

- نفتح الفرن بالراحة ونختبر الكيكه بوضع( شوكة )

اذا طلعت نضيفة تبقى الكيكة استوت،

غالبا بتآخد حوالى (٤٠)دقيقة

-نطفى الفرن ونسيبها تبرد

- بعد ما تبرد نهائي نخرج الكيك من صينية التسوية ونضعها على الصينية التقديم،

- نأتي بطبق عادي دايرته أقل من دايرة الكيكة

- نضع الطبق على وش الكيكه وبسكينة نبدأ نعمل دائرة حوالين الطبق

- نرفع الطبق ونبدأ نفرغ مكان دائرة الطبق في قلب الكيك بمعلقة بحرص جدا من قلب الكيك نعمل تجويف حتي يتم تجويف قلب الكيكة من الداخل مع الحفاظ على قاعدة الكيك

(ملحوظة:- تجويف قلب الكيكة اللي طلعناه من التفريغ هنحتاجه)

(مقادير الحشو)

-كوب ونصف لبن

-كوب سكر

-نصف كوب كاكاو

-كوب كريم شانتيه خام

- نصف كوب زيت

طريقة عمل الحشو :

نضع فى الخلاط 

-كوب ونصف لبن 

- كوب سكر

- نصف كوب كاكاو 

- كوب كريم شانتيه خام

ونضربهم جيدا ثم نصيف الزيت

حتى يكون الخليط ثقيل ولامع
(ممكن استعمال مضرب الكهرباء)

-نفصل جزء من الخليط للتزيين

-على باقى خليط الكريمة اللى فى الخلاط نضع نصف كمية قلب الكيك اللى فرغناه ونضربه جيدا حتي يتكون خليط متماسك وناعم.

خامساً تحضير وتزيين الكيك اوص


-نقوم بمسح الكيكة المفرغة من الداخل بقليل من الشربات الخفيف ( او لبن بالكاكاو والسكر )..وذلك لتطرية الكيك


- نضع حشوة الكريمة التقيلة من الخلاط في قلب الكيكة ونضغطها للداخل ونملى أى فراغات كويس جدا.


- وأخيراً نسكب صوص الشيكولاتة اللى فصلناه علي وش الكيكة ونزين الوش بالشيكولاتة الفارمسيل أو الشيكولاتة المبشورة واي تزيين اخر لو حبيت،

-ثم نضع الكيكة فى الثلاجة ساعتين حتى تتماسك

(ملحوظة أخري)


-خليط الحشوة اللى هنضربه فى الخلاط حنتحكم فى كثافته 

إذا كان تقيل نزود لبن

وإن كان خفيف نزود شوية من قلب الكيك اللى فرغناه

-باقى قلب الكيك اللى فرغناه ...ممكن نطحنه بإيدينا ونرشه على وش الكيك على طبقة الكريمة الأخيرة


وألف هنا وشفا طعم الشيكولاتة

...وصفة جميلة جدا لازم تجربوها ...
نالت إعجاب كل اللى جربها.

هل اعجبك الموضوع :

تعليقات