_برشامتين اسهال يسطا الله يكرمك

=برشامتين اسهال ايه ويسطا مين

-ايه بتكلم انجليزي، بقولك برشامتين اسهال الخضر دول والاتنين جنيه أهم 

=قصدك استربتوكين؟ 

اسأل طبيب ومتاخدش بترشيح حد 

كتير من الشعب المصري بياخد بترشيحة جاره أو اخوه أو صاحبه في العلاج من باب الجدعنة ولا في انتباه لصحتهم ولا أن الدوا ممكن يكون بيشكل خطورة، مش بعيد تكون الناس بتتهمني دلوقتي اني بنشر خرافة من كتر اعتمادهم على البرشام الأخضر في علاج الإسهال 

الإسهال ده بيكون تغير في حركة وفسيولوجية القولون والأمعاء بيؤدي لتواجد سوايل مع بقايا الأكل ويحدث الإسهال 

طيب ايه أنواع الاسهال 

1-زيادة إفراز السوائل في القناة الهضمية (secretory) وده بيكون سببه عدوى بكتيرية أو فيروسية  بجانب أسباب أخرى 

2-اسموزي: الجسم يقوم بسحب الماء من جميع نواحي الجسم للامعاء بيكون نتيجة لاستخدام نوع من الملينات، صعوبة في امتصاص الدهون  

صعوبة في تكسير وده بيكون بسبب نقص انزيم معين في الجسم وبنلاحظ ده في الأطفال اللي بيكون ممنوع عليهم أنواع زبادي أو البان والرضع لو بنستخدملهم نوع لبن بيكون LF وده معناه خالي من اللاكتوز 

3-التهابي: وده بيكون نتيجة لالتهاب في الأمعاء 

4-خلل في حركة القناة الهضمية

5-ادوية بتسبب اسهال 

6-عدوي كورونا

طيب العلاج عبارة عن ايه؟ 

احنا ذكرنا أن الإسهال ممكن يكون بسبب عدوى بكتيرية،أنواع البكتريا كتير والبرشام الأخضر ده عبارة عن مضاد حيوي غالبا مش هيكون فعال في أغلب أنواع البكتريا عشان سوء استخدام المضادات اللي منتشر في المجتمع