القائمة الرئيسية

الصفحات

نصائح مهمة للماميز في كيفية التعامل مع الاطفال

 نصائح مهمة للأمهات في كيفية التعامل مع الطفل


نصائح مهمه ليكي للتعامل مع طفلك 




النصيحة الأولى :-


لو لاقيتي ابنك بياكل في الخشب أو يلحس تراب أو بياكل الأقلام كتير والخشب..الخ

 دي بنسميها ظاهرة بيكا أو pica syndrome 

 وسببها في الغالب بيكون انيميا نقص الحديد فاعمليله تحليل صورة دم أفضل .


النصيحة الثانية :-

لو الطفل بياخد دواء حديد ولسه نسبة الأنيميا عنده موجودة فكري تعمليله تحليل stool براز.

 لأنه في الغالب بيكون ديدان الانكلستوما هي السبب لأنها بتتغذى ع الدم مباشرة.


النصيحة الثالثة :-


لو ابنك عنده سخونية وهتديله خافض للحرارة اوعي تديله كاتافلاي أو بروفين مع دولفين لبوس ف نفس الوقت وتقولي علشان ينزل الحرارة اسرع 

 لان دا بياثر على الكلى والمعده عنده 

قاعده طبيه بتقول

NSAIDs don't mix at the same time 

 لكن ممكن باراسيتامول عادي.


النصيحة الرابعة :-


لو ابنك عنده إمساك وهتديله ملين زي جليسرين لبوس 
متنسيش تبلي اللبوسة / التحميله قبل ما تديهاله
 
 لان عدم بلها بيساعد على حدوث ارتباط شرجي، 
يعني مش هيعمل حمام بعد كدا غير باللبوسة 

النصيحة الخامسة :-


 لو ابنك عنده اسهال قبل ما تتصرفي في أي حاجه او تفكري ف اي دواء 

اديله محلول جفاف 

أغلب حالات الوفيات في الأطفال من الاسهال حول العالم سببها الجفاف 

 محلول الجفاف زي ORS أو لوهيدران أو هيدروسيف 

كيس على 200 مللي مية وياخد كل خمس دقايق تلت الكمية ويفضل تشيلي الباقي في التلاجة.

النصيحة السادسة :-


لو ابنك عنده في تحليل البراز اميبا وديدان في نفس الوقت 

 اوعي تديله ادويتهم في نفس الوقت خصوصاً اللي مكتوب عليه مادة فعاله mebendazole و metronidazole

لأن دا بيعرضه لظاهرة اسمها ستيفن جونسون بتأثر على الجلد جداً 
 علشان متنسيش M&M don't mix 

النصيحة السابعة:-

 طفلك بيحتاج 400 وحدة من فيتامين د يومياً لو هتديله فيدورب 

يبقى 4 نقط من القطارة يومياً.

النصيحة الثامنة:-


 لو ابنك بيجيله فطريات الفم علطول وجبتيله ميكوناز ودكتارين وبرضو مبتروحش 

يبقى انتي محتاجه تدهني ال nipple بتاعك قبل وبعد الرضاعة.

 لأن دا هو السبب في إعادة إصابته بالعدوى مرة تانية 
والجرعة يفضل تكمليها 10 ايام علشان مترجعلوش تاني 

النصيحة التاسعة:-

 لو ابنك بيجيله التهاب حفاض كتير وبيحمر مكانه جداً

اوعي تديله كورتيزونات عمال ع بطال وخصوصا الكيناكومب حتى لو بيخفف الاحمرار دا 

لان دا مع الوقت بيرقق الجلد ويعمل ضمور فيه 

 الصح انك تديله زنك اوليف أو زنك أوكسيد قبل الحفاض دايماً

..............

هل اعجبك الموضوع :

تعليقات