القائمة الرئيسية

الصفحات

اسباب حساسية الجيوب الانفيه وعلاجها



 أسباب مشكلة الجيوب الانفية ؟؟


المشكلة ان بعض الناس بتبقا عندها الجيوب الانفية دى حساسة زيادة عن اللزوم ،، مرهفة الحس يعنى !

اللى بيحصل انها بتبقا حساسة لشوية حجات بتعمل التهابات تخلى الواحد عندة صداع رهيب و مايبقاش طايق نفسه ولا اللى قدامة !

ماهي الجيوب الانفية وطرق علاجها !! 

ايه هي الجيوب الانفيه !! 

دى فتحات بتكون فى الوجه جنب الانف و العين .

لو انت مريض حساسية جيوب انفيه لازم تبقا عارف انها مشكلة مزمنة ,, يعنى معاك طول عمرك و ملهاش علاج نهائى 

طيب و الحل ايه !! 

اول حاجة و اهم حاجة اننا نبعد عن الحاجات اللى بتسببلنا مشكلة الحساسية في الجيوب الانفية دى زى ( التراب , الدخان ، الروايح سواء كانت برفانات او مزيلات العرق اللى ريحيتها نفاذة ، التعرض لهواء بارد )

طبعا محدش هيقدر يمنع دا كله 100 ٪ بس يحاول على قد ما يقدر انه يحافظ !!

نيجى بقا لدواء الجيوب الأنفية  !! 

مريض الجيوب الانفية بيمشى اساسى على حاجة اسمها مضادة للهستامين ،، دى حاجة بتقلل تاثر الجيوب الانفيه بالحجات اللى بتتعبها اللى قولناها قبل كدا !! 

زى ايه مضادات الهستامين دى ،، ( هستازين ، تلفاست ، ديلاركس ، ايفاستين ، زيرتيك ، وحجات تانية كتير ) جرعتها قرص قبل النوم 

طيب لو انا ماشى على مضاد الهستامين دا و اتعرضت لهواء بارد او ريحة نفاذة تعبتنى !! 

تانى حاجة فى العلاج دى عنداللزوم ،، بخاخات للانف زى ( فليكسونيز ، افامايس ، تيكانيز ، نازونيكس ) دى بتبقا بخة فى الانف كل 12 ساعة ! 
تالت حاجة فى العلاج ،،،، المضادات الحيوية !!
دى مش اساسية فى العلاج ،، و بنلجأ ليها لو مضادات الهستامين و البخاخة مش جايبين نتيجة لوحدهم ! 
دا بيبقا معناه ان الالتهاب زايد جدا و عامل عدوى بكتيرية معقدة الدنيا !! 
المضادات الحيوية اللى فعالة فى الحالة دى زى ( موفلوكس 400 ، فلوكسباكت 500 ) و المضاد الحيوى دا بيطلع على حسب تقييم الدكتور يعنى مايتاخدش عمال على بطال !

اهم حاجة لو انت مريض جيوب انفيه تاخد بالك من نقطة !! 

ممكن يحصل مضاعفات مع التهاب الجيوب الانفية و يحصل التهابات فى الاذن الوسطى !! 

يعنى تلاقى نفسك عندك دوار و دوخة و انت مش عارف ايه السبب  !! 
دا غالبا بيكون بسبب الالتهاب الزايد فى الجيوب الانفيه و بيسمع فى الاذن الوسطى !
فى الحالة دى بنضطر ناخد مضاد الهستامين و البخاخة مع المضاد الحيوى ،، و بنزود نقط للاذن ! 
و رسالة لكل الناس ،، لو عارف اللى قدامك دا مريض جيوب انفية ،، ابعد عنه و هو تعبان علشان هو بيبقا مش طايق نفسة اصلا !!

حساسية الجيوب الأنفية 

و اخيرا لكل مريض جيوب انفيه ،، ربنا يكون ف عونك و يخفف عنك .

هل اعجبك الموضوع :

تعليقات